25júní
Helgin liðin
Jæja gott fólk!
Þá er helgin liðin og við erum á leiðinni upp til Aberdeen. Við vorum bara orðin svo þreytt á keyrslunni að við ákváðum að stoppa í Perth og gista þar. Við eyddum sem sagt helginni í Wrexham og höfðum það mjög gott þar. Hann Jonny þurfti að sækja dót bæði í Wrexham og Chester og það var nú lítið mál að komast til þessara bæja, en það var nú töluvert erfiðara að finna nákvæmlega þá staði sem við þurftum að fara á. Ég held að við höfum keyrt ansi marga hringi og alveg pottþétt ekki farið auðveldustu leiðirnar að þessum stöðum.
Við yfirgáfum svo Wrexham í morgun og maður lifandi ég hélt bara hreinlega að það gæti ekki rignt svona mikið. Ég lenti í mikilli rigningu í Bergen hér forðum daga, nánar tiltekið sumarið 1994, en ég held bara hreinlega að rigningin í morgun hafi slegið henni við. Það var eiginlega ekki eins og hellt væri úr fötu, heldur einhverju miklu miklu stærra íláti en fötu
En veðrið lagaðist eftir því sem við fórum norðar og við komum í sól í blíðu til Perth.
Við höfum tekið eitthvað lítið af myndum (erum bara alltaf að keyra) en ég mun reyna að henda einhverjum myndum inn á bloggið svona annað slagið. Það verður reyndar ekki fyrr en ég finn snúruna svo ég geti tæmt myndavélina. Ég hef bara ekki hugmynd um hvar ég hef sett hana þegar ég vara að pakka (vona bara að hún hafi komið með út).
En sem sagt á morgun ætlum við að fara að athuga með húsnæði og vinnu og við erum með gott fólk að hjálpa okkur í því stússi.
Læt ykkur bráðum heyra meira frá mér til að segja frá stöðu mála.
Bless í bili,
Eydís
p.s. Ef þið eruð að ferðast á bíl, þá vil ég benda ykkur á alveg hreint brilliant síðu sem heitir mappy.com þar getið þið sett inn ákvörðunarstaði sem þið ætlið á og þið getið prentað út nákvæmar leiðir, hvar á að taka beygjur o.s.frv. Miklu betra en að vera með eitthvað kort sem maður getur aldrei brotið saman. Það eru náttúrulega ekki öll lönd þarna inni en einhver slatti samt.
Þá er helgin liðin og við erum á leiðinni upp til Aberdeen. Við vorum bara orðin svo þreytt á keyrslunni að við ákváðum að stoppa í Perth og gista þar. Við eyddum sem sagt helginni í Wrexham og höfðum það mjög gott þar. Hann Jonny þurfti að sækja dót bæði í Wrexham og Chester og það var nú lítið mál að komast til þessara bæja, en það var nú töluvert erfiðara að finna nákvæmlega þá staði sem við þurftum að fara á. Ég held að við höfum keyrt ansi marga hringi og alveg pottþétt ekki farið auðveldustu leiðirnar að þessum stöðum.
Við yfirgáfum svo Wrexham í morgun og maður lifandi ég hélt bara hreinlega að það gæti ekki rignt svona mikið. Ég lenti í mikilli rigningu í Bergen hér forðum daga, nánar tiltekið sumarið 1994, en ég held bara hreinlega að rigningin í morgun hafi slegið henni við. Það var eiginlega ekki eins og hellt væri úr fötu, heldur einhverju miklu miklu stærra íláti en fötu
En veðrið lagaðist eftir því sem við fórum norðar og við komum í sól í blíðu til Perth. Við höfum tekið eitthvað lítið af myndum (erum bara alltaf að keyra) en ég mun reyna að henda einhverjum myndum inn á bloggið svona annað slagið. Það verður reyndar ekki fyrr en ég finn snúruna svo ég geti tæmt myndavélina. Ég hef bara ekki hugmynd um hvar ég hef sett hana þegar ég vara að pakka (vona bara að hún hafi komið með út).
En sem sagt á morgun ætlum við að fara að athuga með húsnæði og vinnu og við erum með gott fólk að hjálpa okkur í því stússi.
Læt ykkur bráðum heyra meira frá mér til að segja frá stöðu mála.
Bless í bili,
Eydís
p.s. Ef þið eruð að ferðast á bíl, þá vil ég benda ykkur á alveg hreint brilliant síðu sem heitir mappy.com þar getið þið sett inn ákvörðunarstaði sem þið ætlið á og þið getið prentað út nákvæmar leiðir, hvar á að taka beygjur o.s.frv. Miklu betra en að vera með eitthvað kort sem maður getur aldrei brotið saman. Það eru náttúrulega ekki öll lönd þarna inni en einhver slatti samt.
Af okkur Newcastleförunum er það helst að frétta að við erum hætt við að vera í Newcastle og ætlum að vera í nágrenni við Aberdeen
Ferðin hingað gekk alveg rosalega vel. Við stoppuðum í Færeyjum hjá Eygló og co. frá fimmtudegi til mánudags. Passaði svona líka fínt, rétt til að kveðja liðið. Við héldum svo til Scrabster í Skotlandi á mánudagsmorgunn og vorum komin til Scrabster um kvöldið. Þar var tekið á móti okkur með sekkjapípuleik og alles
Á þriðjudeginum fórum við til Hrannar frænku minnar, sem býr í Blackburn, Aberdeen. Þar gistum við eina nótt og héldum svo til Newcastle. Í Newcastle fundum við enga íbúð sem okkur líkaði. Þetta er örugglega ágætis borg og allt það, en það er eitthvað við Skotland sem heillar meira. Hrönn vill meina að það sé steikin sem Flórent grillaði á þriðjudaginn. Hver veit? Við fórum aftur upp til Aberdeen í dag, tæmdum bílinn og fylltum bílskúrinn hjá Hrönn. Svo héldum við suður aftur. Í þessum töluðu orðum erum við stödd í Carlisle í Englandi og erum á leiðinni til Wrexham þar sem hann Jonny minn þarf að sækja eitthvað dót sem hann á þar. Svo verður haldið aftur norður eftir helgina. Það er sennilega búið að keyra meira á þessum örfáu dögum en við höfum keyrt samanlagt undanfarin ár
Það er verið að vinna í því að finna húsnæði og vinnu og sú vinna fer á fullt strax eftir helgi. Ég sagði við Hrönn að við myndum bara tjalda í garðinum hjá þeim þangað til við fáum húsnæði. Við skulum sjá hvernig þetta fer. 